Associazione Udinese Club

Cu la braure dal fat che noaltris lu disìn di timp (la colaborazion cu la riviste la Patrie dal Friûl e covente propit par chest): l'Udin, la nestre scuadre dal cûr, e je la bandiere de nestre Patrie.

E cuant che o vin savût che la societât e à sotscrit cu la Agjenzie pe Lenghe furlane (www.arlef.it) un acuardi par promovi e valorizâ la lenghe furlane te comunicazion de scuadre, o sin stâts propit contents: lait a lei chi la notizie sul sît www.udinese.it.

Barcelone, Atletico Bilbao a son dome 2 esemplis tra i plui famôs di club di balon a nivel internazionâl che no àn dismenteât la lôr identitât. E cumò ancje l'Udin al à uficializade cheste linie.

Nus à fat ancje plasê di lei che ta chest acuardi e je atenzion ancje pai tancj furlans che a son ator pal mont.

E alore, ce dî di plui?... FUARCE UDIN! FUARCE FRIÛL!

(te foto, font www.udinese.it: il presidente dal Udin Franco Soldati e il president de Arlef Lorenzo Zanon)

Valutazione utenti